ايام زمان

زمان... كلمة تحمل ذكريات كثيرة .... كلما كنت في زمن اقول ان ما مضى كان افضل بكثير....والان ارى ان الامس افضل من اليوم والغريب انه مازال لدى امل كبير ان الغد سيكون احلى ولا ادرى من اين يأتى هذا الأمل... اعتقد انها القصور التى نبنيها من الرمال على الرمال فتأتى أمواج الواقع بلا رحمة لتحطم ما تعبنا في بناؤه .

كنت ايام الكلية اشعر بزهق غريب من كل ما يتعلق بها... حتى الوجوه لا تتغير ... الان اتمنى لو تعود تلك الايام وارى نفس الوجوه
اتذكر ايام الكلية اننى كنت احلم بأيام ثانوى والدروس والضحك والهزار من غير هموم سوى هم المذاكرة ... اما ايام الطفولة لا اتذكر منها سوى اللعب والعبط اللى كنت فيه ... كنت ايام الطفولة بتمنى اكون كبيرة ... بس مش كبيرة سنا وانما كنت بتمنى اكون كبيرة مركزا ... كنت بحب اكون قائدة ... معرفش ليه رغم انى عارفة انى منفعش خالص اقوم بالدور دة

بس دلوقتى عرفت ان لازم اكون قائدة في شئ ما رضيت ام ابيت... لازم اتحمل مسئوليات كتير واكون ادها ... ويمكن دة اللى بيخلى ايام زمان احلى من دلوقتى لاننا بننسي مسئولياتنا زمان ونفتكر بس ضحكنا
لكن دلوقتى احنا بس عايشين المسئولية.........